జాన్వీ కపూర్ సినిమా ఓటీటీ రిలీజ్

కరోనా లాక్‌డౌన్ తో షూటింగ్స్, థియేటర్స్ బంద్ అయ్యాయ్. అయితే లాక్‌డౌన్ సడలింపుల భాగంగా సినిమా షూటింగ్ లకి అనుమతులు లభించాయి. కానీ ఇప్పట్లో థియేటర్స్ తెరవడానికి అనుమతులు లభించేలాలేవు. ఈ నేపథ్యంలో రిలీజ్ కి రెడీగా ఉన్న సినిమాలు ఓటీటీ రిలీజ్ ప్రకటించుకుంటున్నాయి. తాజాగా బాలీవుడ్ యంగ్ హీరోయిన్ జాన్వీ కపూర్ నటించిన  ‘గుంజన్‌ సక్సేనా’ సినిమాని ఓటీటీలో రిలీజ్ చేస్తున్నారు. దీనిపై అధికారిక ప్రకటన వచ్చేసింది.

ఈ సినిమాకి శరన్‌ శర్మ దర్శకత్వం వహించారు. జీ స్టూడియోస్‌ నిర్మించింది. నెట్‌ఫ్లిక్స్‌లో ఈ సినిమాను రిలీజ్‌ చేయనున్నట్లు తరణ్‌ ఆదర్శ్‌ ట్విట్టర్‌లో వెల్లడించారు. ఇప్పటికే ఓటీటీ ఫార్మాట్‌లో ‘గులాబో సితాబో’ సినిమాను రిలీజ్‌ చేస్తున్న విషయం తెలిసిందే. ఇక తెలుగు నుంచి అమృతారామన్, క్లైమాక్స్ సినిమాలో నేరుగా ఓటీటీలో రిలీజ్ అయ్యాయ్. కీర్తి సురేష్ నటించిన పెంగ్విన్ సినిమా కూడా ఓటీటీలో రిలీజ్ కాబోతుంది.