శృతి దృష్టిలో పవన్ ఓ.. !

పవర్ స్టార్ పవన్ కల్యాణ్ హీరోయిన్స్ ని రిపీట్ చేయడానికి ఇష్టపడరు. కానీ ఆయన శృతిహాసన్ తో ఇప్పటికే రెండు సినిమాలు చేశారు. గబ్బర్ సింగ్, ఆ తర్వాత కాటమరాయుడు సినిమాల్లో పవన్-శృతి జంటగా నటించారు. పవన్ రీ ఎంట్రీ సినిమాలోనూ శృతినే హీరోయిన్ గా ఎంపికైందని చెబుతున్నారు. అయితే దీనిపై అధికారిక ప్రకటన రావాల్సివుంది.

ఇదిలావుండగా తాజాగా శృతిహాసన్ సోషల్ మీడియా వేదికగా అభిమానులతో ముచ్చటించింది. అభిమానులు అడిగిన పలు ప్రశ్నలకు సమాధానమిచ్చారు. పవన్‌కల్యాణ్‌ గురించి ఏమైనా చెప్పమని ఓ నెటిజన్‌ కోరగా.. ‘ఆయన ఓ అద్భుతం. మంచి మనస్సున్న మనిషి’ అని సమాధానం ఇచ్చింది. ‘పవన్‌ ‘వకీల్‌సాబ్‌’ చిత్రంలో మీరు నటిస్తున్నారా?’ అని మరో అభిమాని అడగ్గా.. ‘ఆ విషయాన్ని ఇప్పుడు చెప్పను’ అంటూ సస్పెన్స్ లో పెట్టేసింది.