అనంత వన్ టౌన్ పోలీస్ స్టేషన్’కు జేసీ తరలింపు

నకిలీ పత్రాలతో బీఎస్‌-3 వాహనాలను బీఎస్‌-4 వాహనాలుగా రిజిస్ట్రేషన్‌ చేయించారన్న ఆరోపణలతో తాడిపత్రి మాజీ ఎమ్మెల్యే ప్రభాకర్‌రెడ్డి, ఆయన తనయుడు అస్మిత్‌రెడ్డిలను శంషాబాద్‌లో ఈ ఉదయం అరెస్టు చేసిన విషయం తెలిసిందే. వీరిని పోలీసులు అనంతపురానికి తీసుకువచ్చారు. అనంతపురం 1 టౌన్ పోలీస్ స్టేషన్‌కి తరలించారు.

జేసీ ప్రభాకరెడ్డి అనంతపురంకు తీసుకొస్తున్నారన్న వార్త తెలిసి పెద్ద సంఖ్యలో తెదేపా కార్యకర్తలు, జేసీ అభిమానులు అక్కడికి చేరుకున్నారు. అరెస్టుకి వ్యతిరేకంగా ఆందోళన చేసే ప్రయత్నం చేశారు. వారిని పోలీసులు అదుపులోనికి తీసుకొని వేరే స్టేషన్ కి తరలించారు. జేసీ ప్రభాకర్ రెడ్డి, అతడి తనయుడుకి ఈరోజు కోర్టులో హాజరుపరిచే ఛాన్స్ ఉందని తెలుస్తోంది.