సుశాంత్ ఆత్మహత్యకు ముందు ఏం జరిగిందంటే ?
బాలీవుడ్ యంగ్ హీరో సుశాంత్ సింగ్ రాజ్ పుత్ ఆత్మహత్య యావత్‌ సినీ ప్రపంచాన్ని తీవ్రంగా కలచివేసింది. సుశాంత్ ఆత్మహత్యకు గల కారణాలు మాత్రం ఇంకా తెలియరాలేదు. కానీ ఆత్మహత్య ముందురోజు నుంచి సుశాంత్ ఏం చేశాడన్నది పోలీసులు గుర్తించినట్టు తెలుస్తోంది. ఆదివారం ఉదయం 9.30 సమయంలో సుశాంత్ తన సోదరితో మాట్లాడినట్లు పోలీసులు వెల్లడించారు. అంతేకంటే ముందు అనగా.. శనివారం రాత్రి సుశాంత్ ఓ నటికి ఫోన్ చేశారు. కానీ ఆమె ఫోన్ లిఫ్ట్ చేయలేదని పోలీసులు గుర్తించారు.
ఇక ఆదివారం ఉదయం జ్యూస్‌ తాగి బెడ్‌రూంలోకి వెళ్లి తలుపులు వేసుకున్న సుశాంత్.. ఎంతసేపటికీ రాకపోవడంతో ఆ ఇంట్లో పనిచేస్తున్న వ్యక్తి అతడి స్నేహితులకు సమాచారం ఇచ్చాడు. దీంతో వారు తలుపు పగలగొట్టి చూడగా, బెడ్‌షీట్‌ సాయంతో సీలింగ్‌ ఫ్యాన్‌కు ఉరివేసుకుని సుశాంత్ కనిపించాడు. దీంతో వెంటనే వాళ్లు పోలీసులకు, 108కి కాల్‌ చేసి చెప్పారు. అప్పటికే సుశాంత్ మృతిచెందాడు.
