భారత్’కు అమెరికా సాయం అందింది !
అమెరికా సాయం భారత్ కు అందింది. అమెరికా 200 వెంటిలేటర్లను భారత్‌కు విరాళంగా ఇవ్వనున్నట్లు ట్రంప్‌ గతంలో హామీ ఇచ్చిన సంగతి తెలిసిందే. ఇప్పుడా సాయం భారత్ కు అందింది. ఇండియా విమానం ద్వారా వెంటిలేటర్లు భారత్‌కు చేరినట్లు ప్రభుత్వ ఉన్నతాధికారి ఒకరు మీడియాకు వెల్లడించారు.
భారత్‌లో కరోనా ఉద్ధృతి నేపథ్యంలో అమెరికా ప్రభుత్వం అంతర్జాతీయ అభివృద్ధి సంస్థ ద్వారా భారత్‌కు 200 వెంటిలేటర్లు అందజేయడానికి ముందుకు వచ్చింది. దానిలో భాగంగా మొదటగా 100 వెంటిలేటర్లను భారత్‌లోని రెడ్‌క్రాస్ సంస్థకు అందించినట్లు మనదేశంలో యూఎస్ దౌత్యవేత్త కెన్నత్ జస్టర్ వెల్లడించారు.
