‘భానుమతి రామకృష్ణ’ టీజర్ టాక్
ఓటీటీలో మరో సినిమా రిలీజ్ కి రెడీ అయింది. నవీన్‌ చంద్ర, సలోని లూత్రా హీరోహీరోయిన్లుగా నటించిన వెబ్ చిత్రం ‘భానుమతి రామకృష్ణ’. శ్రీకాంత్ నాగోతి దర్శకుడు. నార్త్‌స్టార్‌ ఎంటర్‌టైన్‌మెంట్‌, కృష్వి ప్రొడక్షన్స్‌ పతాకంపై యశ్వంత్ ములుకుట్ల నిర్మిస్తున్నారు.
ఈ సినిమా టీజర్‌ను మంగళవారం కథానాయిక కీర్తి సురేశ్‌ విడుదల చేశారు. ‘దీని పేరు భానుమతి అప్పుడెప్పుడో ‘సీతాకోకచిలుక’ సినిమా సెకండ్‌ రిలీజ్ అప్పుడు పుట్టింది. దీంతోపాటు చదువుకున్న అబ్బాయిలందరికీ పెళ్లిళ్లు అయిపోయాయి..’ అంటూ సరదా డైలాగ్స్‌తో టీజర్ ఆరంభమైంది. ఆ తర్వాత కథానాయకుడు నవీన్‌ చంద్రని పరిచయం చేశారు. వీడికి 33యేళ్లు. ఆయన జీవిత లక్ష్యం ఒక్కటే. పెళ్లి చేసుకోవడం అంటూ వినోదాత్మకంగా టీజర్ ని కట్ చేశారు. జులై 3న ఈ సినిమా ఆహాలో రిలీజ్ కానుంది.
