పాన్ ఇండియా సినిమాగా ‘జన గణ మన’.. హీరో మహేష్’యేనా ?

దర్శకుడు పూరి జగన్నాథ్ ‘జన గణ మన’ కథని రెడీ చేసి చాన్నాళ్లయింది. ఈ చిత్రాన్ని సూపర్ స్టార్ మహేష్ బాబు తీయబోతున్నట్టు 2018లోనే ప్రకటించారు. ఫస్ట్ లుక్ కూడా వదిలారు. ఆ తర్వాత ఈ సినిమా గురించి ఎలాంటి అప్ డేట్ రాలేదు. అయితే ఓ ఇంటర్వ్యూలో మహేష్ పై పూరి అసంతృప్తి వ్యక్తం చేశారు. ఎప్పటికైన జన గణ మన తీస్తానని.. అది తన డ్రీమ్ ప్రాజెక్ట్ అని పూరి చెబుతూ వస్తున్నారు.

ఇటీవల ఓ ఇంటర్వ్యూలో మహేష్ మాట్లాడుతూ.. పూరితో సినిమా ఉంటుంది. నాకు నచ్చిన దర్శకుల్లో ఆయన ఒకరు. ఆయన కథ చెబుతారని ఇంకా వెయిట్ చేస్తున్నానని తెలిపారు. తాజాగా పూరి కూడా జన గణ మనపై స్పందించారు. ”జన గణ మన’నేను కలలుకన్న చిత్రం. కచ్చితంగా దీన్ని పాన్‌ ఇండియా సినిమాగా తెరకెక్కిస్తా’ అని పేర్కొన్నారు. కానీ, కథానాయకుడు ఎవరన్న విషయంపై ఆయన స్పష్టత ఇవ్వలేదు. దీంతో.. జన గణ మన మహెష్ తోనే పాడిస్తారా ? లేక పూరి దృష్టిలో మరో హీరో పడ్డాడా ? అనేది ప్రశ్నగా మారింది.

ప్రస్తుతం పూరీ.. విజయ్‌ దేవరకొండ కథానాయకుడిగా ‘ఫైటర్‌’ సినిమాను తెరకెక్కిస్తున్నారు. తెలుగుతోపాటు హిందీ, తమిళంలోనూ రూపుదిద్దుకుంటోన్న ఈ సినిమాలో బాలీవుడ్ నటి అనన్యా పాండే కథానాయికగా నటిస్తున్నారు. రమ్యకృష్ణ కీలక పాత్ర పోషిస్తున్నారు.