తిరుమల శ్రీవారిని దర్శించుకున్న మధ్యప్రదేష్ సీఎం
మధ్యప్రదేశ్‌ ముఖ్యమంత్రి శివరాజ్‌సింగ్‌ చౌహాన్ ఈ ఉదయం తిరుమల శ్రీవారిని దర్శించుకున్నారు. ఈ ఉదయం వీఐపీ ప్రారంభ దర్శన సమయంలో కుటుంబ సభ్యులతో కలిసి శ్రీవారి దర్శనం చేసుకున్నారు. తిరుమలేశుడిని దర్శించుకోవడం ఎంతో అదృష్టంగా భావిస్తున్నానని చౌహాన్ తెలిపారు.
ప్రధాని మోదీ నేతృత్వంలో కరోనాపై బలంగా పోరాడుతున్నామన్నారు. దేశ రక్షణ కోసం సరిహద్దులో చైనాకు మన సైనికులు గట్టి జవాబు ఇచ్చారని తెలిపారు. మోదీ నాయకత్వంలో అన్నింటిలో భారత్‌ విజయం సాధిస్తుందన్నారు. కరోనా మహమ్మారి నుంచి త్వరగా విముక్తి పొందాలని, దేశ రక్షణ కోసం పోరాడే సైనికులకు మరింత శక్తి ప్రసాదించాలని శ్రీవారిని ప్రార్థించినట్లు సీఎం శివరాజ్‌సింగ్‌ చౌహాన్ తెలిపారు.
