రవితేజ కొత్త బిజినెస్’కు పూరి సపోర్ట్
మాస్ మహారాజా రవితేజ కొత్త బిజినెస్ లోకి అడుగుపెట్టబోతున్నారు. సొంతంగా నిర్మాణ సంస్థని ప్రారభించబోతున్నట్టు సమాచారమ్. పిల్లల పేర్లు కలిసొచ్చేలా రవితేజ కొత్త బ్యానర్ ని ఏర్పాటు చేయనున్నారు. ఈ బ్యానర్ పై ఇతర హీరోలతో సినిమాలు, వెబ్ సిరీస్ లు తీయబోతున్నట్టు తెలుస్తోంది. దీనిపై అధికారిక ప్రకటన రావాల్సి ఉంది.
రవితేజ సొంత బ్యానర్ ఏర్పాటుకు ఆయన స్నేహితుడు, దర్శకుడు పూరి జగన్నాథ్ సాయం చేస్తున్నారట. ఇప్పటికే మహేష్ బాబు,తారక్,రామ్ చరణ్,అల్లు అర్జున్ ఇలా అందరికీ సొంత బ్యానర్స్ ఉండనే ఉన్నాయి. ఇప్పుడు రవితేజ కూడా సొంత బ్యానర్ ఏర్పాటు చేయబోతున్నారు. హీరోగా ఈ మధ్య కాస్త వెనకబడిన రవితేజ.. నిర్మాతగా కొత్త బిజినెస్ మొదలెట్టనున్నారు. ప్రస్తుతం రవితేజ క్రాక్ సినిమాతో బిజీగా ఉన్నారు.
