ఓటీటీలో ‘ఆర్ఆర్ఆర్’ రిలీజ్ చేస్తే.. 2గంటల్లో రూ.1000కోట్ల కలెక్షన్స్ !

కరోనా లాక్‌డౌన్ తో థియేటర్స్ మూతపడిన సంగతి తెలిసిందే. దీంతో ఓటీటీ ఫ్లాట్ ఫామ్ కి ఆధారణ పెరుగుతోంది. ఓటీటీలో రిలీజ్ అవుతున్న తెలుగు సినిమాల జాబితా కూడా పెరుగుతోంది. అయితే మీడియం బడ్జెట్, భారీ బడ్జెట్ సినిమాలని ఓటీటీలో రిలీజ్ చేసేందుకు దర్శక-నిర్మాతలు ఆసక్తి చూపడం లేదు. తమది ఓటీటీ సినిమా కాదు. థియేటర్స్ లో చూడాల్సిన సినిమా అని చెబుతున్నారు. అయితే సంచలన దర్శకుడు రామ్ గోపాల్ వర్మ మాత్రం.. సినిమా బాగుంటే ఎక్కడైనా చూస్తారు అంటున్నారు.

వర్మ తాజా చిత్రం ‘నగ్నం’ ఈరోజు ఓటీటీలో రిలీజ్ కాబోతుంది. ఈ నేపథ్యంలో ఓ టీవీ ఛానెల్ కి ఇచ్చిన ఇంటర్వ్యూలో వర్మ ఓటీటీ రిలీజ్ పై ఆసక్తిక విషయాలు పంచుకున్నారు. భవిష్యత్ ఓటీటీదే. అసలు థియేటర్స్ అంటూ ఉండవ్ అన్నారు. అంతేకాదు.. తన సినిమాలకి థియేటర్స్ లో వచ్చే కలెక్షన్స్ కన్నా ఓటీటీలోనే ఎక్కువగా వస్తున్నాయని చెప్పారు. ‘ఆర్ఆర్ఆర్’ సినిమాని ఓటీటీలో రిలీజ్ చేస్తే కేవలం 2గంటల్లోనే వెయ్యి కోట్లు కలెక్ట్ చేస్తోంది. రాజమౌళికి ఉన్న క్రేజ్ తో అది సాధ్యం అవుతుందని తెలిపారు.

బాహుబలి తీసిన రాజమౌళి నుంచి వస్తున్న ఆర్ ఆర్ ఆర్ సినిమా అనే ప్రచారంతో ఓటీటీలో భారీ కలెక్షన్స్ ఉంటాయని చెప్పుకొచ్చారు. ఆర్ ఆర్ ఆర్ ని ఓటీటీలో రిలీజ్ చేయమని జక్కన్నకి సలహా కూడా ఇచ్చారు వర్మ. మరీ..  వర్మ సలహాని రాజమౌళి పరిగణలోనికి తీసుకుంటారా ? అన్నది చూడాలి.