అహా.. తమన్నా షో చేయబోతుంది !
మిల్కీ బ్యూటీ తమన్నా ముద్దు ముద్దు మాట‌లు, మ‌త్తెక్కించే అంద‌చందాల‌తో కొత్త గెట‌ప్‌లో అభిమానుల‌ను అలరించనుంది. ఓ టాక్ షో చేయనుంది. కరోనా లాక్‌డౌన్ తో థియేటర్స్ మూతపడ్డాయ్. ఈ నేప‌థ్యంలో ఓటీటీల‌కు ఆద‌ర‌ణ పెరిగింది. ఓటీటీలో రిలీజ్ అవుతున్న సినిమాల జాబితా పెరుగుతోంది.
ఓటీటీలో రాణించాలంటే.. వైవిధ్య‌మైన కార్య‌క్ర‌మాల‌ను రూపొందించ‌క తప్పదు. ఈ నేప‌థ్యంలో ప్ర‌ముఖ టాలీవుడ్ నిర్మాత అల్లు అర‌వింద్‌ అహా అనే ఓటీటీని ఇటీవ‌ల స్టార్ట్ చేసిన విష‌యం తెలిసిందే. అహా కోసం మిల్కీ బ్యూటీ త‌మ‌న్నాతో ప్ర‌త్యేకంగా ఓ టాక్ షో నిర్వ‌హించేందుకు ఏర్పాట్లు చేసిన‌ట్టు స‌మాచారం. టాక్ షో హోస్ట్‌గా వ్య‌వ‌హ‌రించేందుకు తమన్నా గ్రీన్ సిగ్న‌ల్ ఇచ్చిన‌ట్టు స‌మాచారం. త్వరలోనే ఈ టాక్ షోపై అధికారిక ప్రకటన రానుంది. స్టార్ హీరో-హీరోయిన్స్ తమన్నా టాక్ షో లో పాల్గొనబోతున్నట్టు టాక్.
