TSలో 1,213 కొత్త కేసులు

తెలంగాణలో కరోనా విజృంభణ కొనసాగుతోంది. గడిచిన 24గంటల్లో 1,213 కొత్త కేసులు నమోదయ్యాయి. దీంతో ఇప్పటివరకు నమోదైన మొత్తం కేసుల సంఖ్య 18,570కి పెరిగింది. ఒక్కరోజులో ఇన్ని కేసులు నమోదుకావడం రాష్ట్రంలో ఇదే తొలిసారి.

హైదరాబాద్‌ మహానగరం పరిధిలోనే 998 కేసులు నమోదు కావడం కలవరం రేపుతోంది. రాష్ట్రంలో కొత్తగా ఎనిమిది మంది మృత్యువాతపడ్డారు. దీంతో ఇప్పటివరకు నమోదైన మరణాల సంఖ్య 275కి పెరిగాయి. అలాగే, ఈ రోజు 987మంది కోలుకోవడంతో మొత్తం డిశ్చార్జిల సంఖ్య 9069కి చేరింది. రాష్ట్రంలో ప్రస్తుతం 9226 యాక్టివ్‌ కేసులు ఉన్నాయి.