ఏపీలో 80వేలు దాటిన కరోనా కేసులు

ఏపీలో కరోనా విజృంభిస్తోంది. ప్రతిరోజూ నమోదవుతున్న కొత్త కేసులు 8వేలకుపైగా నమోదవుతున్నాయ్. మరణాల సంఖ్య కూడా పెరుగుతోంది. గడిచిన 24గంటల్లో ఏపీలో 8,147 కరోనా కొత్త కేసులు నమోదయ్యాయ్. దీంతో రాష్ట్రంలో ఇప్పటి వరకు కరోనా సోకిన వారి సంఖ్య 80,858కి చేరింది. ఈ ఒక్కరోజే 49 మంది ప్రాణాలు కోల్పోయారు. దీంతో ఇప్పటి వరకు ప్రాణాలు కోల్పోయిన వారి సంఖ్య 933కి చేరింది.

తూర్పుగోదావరి జిల్లాలో 11 మంది ప్రాణాలు కోల్పోగా.. కృష్ణా జిల్లాలో 9, కర్నూలులో 8, శ్రీకాకుళంలో 7, పశ్చిమగోదావరిలో 5, గుంటూరు, విశాఖపట్నం జిల్లాల్లో 3, చిత్తూరు, ప్రకాశం, విజయనగరం జిల్లాల్లో ఒక్కొక్కరు చొప్పున మృతి చెందారు. ఈరోజు నమోదైన కేసుల్లో  తూర్పుగోదావరి జిల్లాలో అత్యధికంగా 1029 కేసులు నమోదయ్యాయి.