ఆర్జీవికి ఝులక్ ఇచ్చిన చరణ్
‘రామ్ గోపాల్ వర్మ వర్సెస్ పవన్ ఫ్యాన్స్’ పెద్ద యుద్ధమే జరుగుతోంది. అయితే ఈ యుద్ధంలో మెగా హీరోలు ఎవరు పాల్గొనకపోవడం ఆశ్చర్యకరం. ‘పవర్ స్టార్’ సినిమాతో పవన్ కల్యాణ్ ఇమేజ్ డ్యామేజ్ చేసే ప్రయత్నం చేస్తున్నాడు వర్మ. ఆ విషయంలో ఇప్పటికే రిలీజైన ప్రచార చిత్రాలతో అర్థమవుతోంది. దీంతో పవన్ ఫ్యాన్స్ వర్మపై ప్రతిదాడికి దిగారు.
వర్మపై పరాన్నజీవి పేరుతో సినిమా తీస్తున్నారు. అంతేకాదు.. వర్మతో తేల్చుకోవడానికి ఆయన ఆఫీస్ కు వెళ్లారు. వారిని అరెస్ట్ చేసి పోలీస్ స్టేషన్ కి తరలించారు. తర్వాత విడుదలయ్యారు. అయితే ఈ మొత్తం వ్యవహారంపై మెగా హీరోలు నోరు తెరవడం లేదు. దీనిపై మెగా అభిమానులు బయటికి చెప్పకపోయినా.. లోలోన అసహనానికి గురువుతున్నారు. అయితే మెగా పవర్ స్టార్ రామ్ చరణ్ మాత్రం ఈ ఉదయం వర్మకు ఝులక్ ఇచ్చారు.
‘రంగస్థలం’లో చిట్టిబాబు పాత్ర ఫొటోను చరణ్ ట్విట్టర్ ఖాతాలో పంచుకుంటూ..’విశ్వసనీయమైన సమాచారాన్ని మాత్రమే వినండి’ అంటూ పేర్కొన్నారు. దీనికి అఖిల్‌ స్పందిస్తూ, ‘ఏం క్యాప్షన్‌ ఇచ్చావు’ అని కామెంట్‌ చేయగా, ‘హహ్హహ్హ.. మంచి సందేశం అన్నా’ అని వరుణ్‌ పేర్కొన్నారు. మరి ఫొటో షేర్‌ చేయడం వెనుక ఆంతర్యం ఏంటో అభిమానుల ఊహకే వదిలేశారు చెర్రీ.
Listening to Credible Info ONLY!! pic.twitter.com/x5iNV9MALD
— Ram Charan (@AlwaysRamCharan) July 24, 2020
