బ్రేకింగ్ : ఏపీలో లక్ష దాడిన కరోనా కేసులు

ఏపీలో కరోనా విజృంభిస్తోంది. కరోనా పాజిటివ్ కేసుల సంఖ్య లక్ష దాటింది. గడిచిన 24 గంటల్లో ఏపీ‌లో కొత్తగా 6,051 కరోనా పాజిటివ్‌ కేసులు నమోదయ్యాయి. దీంతో రాష్ట్రంలో మొత్తం కరోనా కేసుల సంఖ్య 1,02,349 కి చేరింది. ఇవాళ 49మంది కరోనాతో మృతి చెందారు. దీంతో రాష్ట్రంలో మొత్తం కరోనా మృతుల సంఖ్య 1,090కి చేరింది.

పశ్చిమ గోదావరి జిల్లాలో తొమ్మిది మంది, విశాఖ జిల్లాలో ఎనిమిది, చిత్తూరు, తూర్పు గోదావరి జిల్లాల్లో ఏడుగురు చొప్పున, కృష్ణ జిల్లాలో ఐదుగురు, విజయనగరం జిల్లాలో నలుగురు, అనంతపురం జిల్లాలో ముగ్గురు, కర్నూలు, శ్రీకాకుళం జిల్లాలో ఇద్దరు చొప్పున, కడప, ప్రకాశం జిల్లాల్లో ఒక్కరు చొప్పున కరోనా బారిన పడి మృతి చెందారు. ఇక కొత్తగా నమోదైన కరోనా కేసుల్లో అత్యధికంగా తూర్పు గోదావరి జిల్లాలో 858 కేసులు, గుంటూరు జిల్లాలో 596 కేసులు వచ్చాయి.