ఆ కేసులో ‘కిక్’ శ్యామ్ అరెస్ట్
తెలుగులో కిక్, రేసుగుర్రం, కత్తి సినిమాలతో గుర్తింపు తెచ్చుకున్న తమిళ నటుడు శ్యామ్ ని కోడంబాక్కం పోలీసులు అరెస్ట్ చేశారు. అనుమతి లేకుండా జూదం, బెట్టింగులు నిర్వహిస్తున్నాడంటూ శ్యామ్ తో పాటు 14 మందిని పోలీసులు అదుపులోకి తీసుకున్నారు.
కిక్ శ్యామ్ కు చెన్నైలోని కోడంబాక్కం ప్రాంతంలో ఓ పోకర్ క్లబ్ ఉంది. ఈ క్లబ్ ముసుగులో గ్యాంబ్లింగ్ కు పాల్పడుతున్నట్టు ఆరోపణలు ఉన్నాయి. దీంతో శ్యామ్ క్లబ్ పై దాడి చేసిన పోలీసులు… ఆతడిని అరెస్ట్ చేశారు. ఈ కేసుకు సంబంధించిన పూర్తి వివరాలు తెలియాల్సి ఉన్నాయి.
