జగ్గారెడ్డికి పీసీసీ పోస్ట్ తెచ్చిపెట్టేదెవరు ?

పీసీసీ చీఫ్ పదవిని బలంగా కోరుకుంటున్నారు సంగారెడ్డి ఎమ్మెల్యే జగ్గారెడ్డి. ఇందుకోసం తనదైన శైలిలో విజ్ఝప్తి చేస్తున్నారు. తనకి పీసీసీ చీఫ్ పదవి తెచ్చిపెట్టాలని తెలంగాణ కాంగ్రెస్ నేతలని కోరుతున్నారు. పీసీసీ కోసం నేను దిల్లీ వెళ్లి పైరవీలు చేయలేను. మీడియా ద్వారా నేను మాట్లాడే మాటలు రాష్ట్రంలో ఉన్న కాంగ్రెస్‌పార్టీ శ్రేయోభిలాషులు.. సోనియా గాంధీ, రాహుల్‌ గాంధీకి పంపాలని కోరుతున్నానని అంటున్నారు జగ్గారెడ్డి.

సెకండ్‌ లీడర్‌షిప్‌, జిల్లా, మండల, గ్రామ స్థాయి నాయకులు, కార్యకర్తలతో సమన్వయం చేసుకొని ముందుకెళ్తా. మండలస్థాయి నుంచి జిల్లా స్థాయివరకు క్షేత్రస్థాయిలో తిరుగుతా. అవసరమైతే గ్రామాల్లోనూ పర్యటిస్తా. నా ప్రకటనలతో ఎవరూ అయోమయానికి గురికావొద్దు. నా ప్రతి స్టేట్‌మెంట్‌కు ఒక వ్యూహం ఉంటుంది. సమయం వచ్చినప్పుడు అందరికి తెలుస్తుందన్నారు జగ్గారెడ్డి.