దేశంలో 50వేల కరోనా మరణాలు

దేశంలో కరోనా విజృంభిస్తోంది. ప్రతిరోజూ నమోదవుతున్న కొత్త కేసుల సంఖ్య 60వేలకు పైగా, మృతుల సంఖ్య దాదాపు వెయ్యి నమోదవుతున్నాయి. గడిచిన 24 గంటల్లో దేశంలో 63,490 కొత్త కేసులు నమోదయ్యాయి. మరో 944 మంది మృతి చెందారు. దీంతో మొత్తం కేసులసంఖ్య 25,89,682కు చేరింది. మృతుల సంఖ్య 49,980కు చేరింది.

ఇప్పటి వరకు 18లక్షల 62వేల మంది కరోనా నుంచి కోలుకున్నారు. మరో 6లక్షల 77వేల క్రియాశీల కేసులు ఉన్నాయి. కేసుల సంఖ్య పెరుగుతున్నప్పటికీ వైరస్‌ నుంచి కోలుకుంటున్న వారిసంఖ్య కూడా పెరుగుతోంది. నిన్న మరో 53వేల మంది బాధితులు వైరస్‌ నుంచి కోలుకున్నట్లు కేంద్ర ఆరోగ్యశాఖ వెల్లడించింది. ప్రస్తుతం దేశంలో కరోనా బాధితుల రికవరీ రేటు 71శాతం దాటగా మరణాల రేటు దాదాపు 1.9శాతంగా ఉంది. కొవిడ్‌ మరణాల్లో భారత్‌ ప్రపంచంలోనే నాలుగో స్థానంలో కొనసాగుతోంది.