తెలంగాణలో భారీగా పెరిగిన కరోనా కేసులు

తెలంగాణలో కరోనా తగ్గుముఖం పట్టినట్టే అనిపించింది. ఆదివారం వెయ్యిలోపు కరోనా కొత్త కేసులు నమోదయ్యాయ్. దీంతో తెలంగాణలో కరోనా తగ్గుముఖం పడుతోంది. మరో వారం, పదిరోజుల్లో కొత్త కేసుల సంఖ్య బాగా తగ్గుతుందని భావించారు. కానీ గడిచిన 24 గంటల్లో తెలంగాణలో ఏకంగా 1,682 కొత్త కేసులు నమోదయ్యాయ్. మరో 8 మంది మృతి చెందారు.

కొత్తగా నమోదైన కేసుల్లో ఒక్క గ్రేటర్ హైదరాబాద్ లోనే 235, రంగారెడ్డి జిల్లాలో 166, వరంగల్‌ అర్బన్‌లో 107, మేడ్చల్‌ మల్కాజ్‌గిరిలో 106, నిజామాబాద్‌లో 94, కరీంనగర్‌లో 88, మంచిర్యాలలో 79 ఉన్నాయి. దీంతో రాష్ట్రంలో మొత్తం కరోనా కేసుల సంక్య  93,937 కి చేరింది. కరోనా మృతుల సంఖ్య 711కి చేరింది. కరోనా బారి నుంచి నిన్న ఒక్క రోజే 2,070 మంది కోలుకున్నారు. దీంతో ఇప్పటి వరకు కోలుకున్న వారి సంఖ్య 72,202కి చేరింది. ప్రస్తుతం రాష్ట్రంలో 21,024 యాక్టివ్ కేసులు ఉన్నాయని వైద్య ఆరోగ్యశాఖ తెలిపింది.