మూడు ముళ్లకి నో చెప్పిన అనుష్క

స్వీటీ అనుష్క మూడు ముళ్లకి నో చెప్పేసింది. అలాగని ఇది పెళ్లి మేటరు కాదు. సినిమా విషయం. సీనియర్ తమిళ దర్శకుడు భాగ్యరాజా ‘మూడు ముళ్లు’ సినిమాకి సీక్వెల్ ని తీసుకొచ్చే ప్రయత్నంలో ఉన్నారు. శశికుమార్ హీరోగా నటించనున్నారు. హీరోయిన్ పాత్ర కోసం అనుష్కని అయితే ఫర్ ఫెక్ట్ గా సూటవుతుందని భావించారు. ఆమెని సంప్రదించారు కూడా. కానీ మూడు ముళ్లకి స్వీటీ నో చెప్పేసింది.

భాగ్యరాజా దర్శకత్వంలో 1983లో వచ్చిన చిత్రం  ‘ముందానై ముడిచ్చు’ బ్లాక్ బస్టర్ హిట్ అయింది. ఈ చిత్రాన్ని తెలుగులో జంధ్యాల ‘మూడు ముళ్ల’ పేరిట రిమేక్ చేశారు. తెలుగులోనూ సూపర్ హిట్ అయింది. ఇప్పుడీ హిట్ సినిమాకి సీక్వెల్ ని తీసుకొస్తున్నారు భాగ్యారాజా. అయితే ఈ సినిమాలో హీరోయిన్ ఆఫర్ ని స్వీటీ అనుష్క తిరస్కరించింది. దానికి గల కారణం కూడా నిజ జీవితంలో అనుష్క మూడు ముళ్లు వేయించుకోవడానికి రెడీగా ఉంది. పెళ్లి ప్రయత్నాల్లో ఉంది. అందుకే మూడు ముళ్ల సీక్వెల్ ని రిజెక్ట్ చేసినట్టు సమాచారమ్.

ఇక యంగ్ రెబల్ స్టార్ ప్రభాస్-అనుష్క ప్రేమలో ఉన్నట్టు జోరుగా ప్రచారం జరిగింది. బాహుబలి సినిమా షూటింగ్ టైమ్ లో వీరిద్దరు ప్రేమలో పడ్డారని, పెళ్లి చేసుకోబోతున్నట్టు ప్రచారం జరిగింది. అయితే, తామిద్దరు మంచి స్నేహితులం మాత్రమేనని ప్రభాస్, అనుష్క ఇద్దరు పలుమార్లు క్లారిటీ ఇచ్చిన సంగతి తెలిసిందే.