చిరు బర్త్ డే బహుమతులు.. ఇవే !
మెగాస్టార్ చిరంజీవి బర్త్ డే బహుమతులపై క్లారిటీ వచ్చేసింది. కొరటాల శివ దర్శకత్వంలో మెగాస్టార్ నటిస్తున్న చిత్రం ‘ఆచార్య’ (వర్కింగ్ టైటిల్). ఆగస్టు 22న చిరంజీవి పుట్టిన రోజు సందర్భంగా ఈ సినిమాకు సంబంధించిన ఫస్ట్‌లుక్‌, మోషన్‌ పోస్టర్‌ను విడుదల చేయనున్నట్లు ప్రకటించారు. తాజాగా విడుదల చేసిన ప్రీలుక్‌లో ఎర్ర కండువా పట్టుకుని, పిడికిలి బిగించి ఉన్న చేతిని చూపించారు.
కొరటాల మార్క్ సోషల్ మెసేజ్ తో ఈ సినిమా తెరకెక్కుతోంది. చిరు ఇందులో మాజీ నక్సలైట్‌గా కనిపిస్తారని, దేవాదాయధర్మాదాయ శాఖలో జరిగే అవినీతిపై పోరాడతారని టాక్‌. రామ్‌చరణ్‌ కూడా ఇందులో కీలక పాత్ర పోషిస్తున్నారు. చిరుకి జంటగా కాజల్ నటిస్తోంది. మణిశర్మ సంగీతం అందిస్తున్నారు. కరోనా ప్రభావం తగ్గాక ఆచార్య షూటింగ్ తిరిగి ప్రారంభం కానుంది.
