కృష్ణంరాజు హాలీవుడ్ కోరికని ప్రభాస్ తీరుస్తాడా ?
బాహుబలి ప్రభాస్ ని ఆయన పెద్దనాన్న, సీనియర్ రెబల్ స్టార్ ఓ కోరిక కోరాడు. అదే హాలీవుడ్ కోరిక. కాలిఫోర్నియాలోని బెవర్లీ హిల్స్ లో ప్రభాస్ తో కలిసి భోజనం చేయాలన్నది కృష్ణంరాజు కోరిక. అది తీరాలంటే ప్రభాస్ హాలీవుడ్ స్టార్ గా మారాలి.
“నా కోరిక ఏంటంటే.. ప్రభాస్ తో కలిసి బెవర్లీ హిల్స్ లో భోజనం చేయాలి. బెవర్లీ హిల్స్ లో హాలీవుడ్ స్టార్స్ ఉంటారు. చాలా చాలా కాస్ట్ లీ ఏరియా. అలాంటి ఏరియాలో ప్రభాస్ కు కూడా ఓ బిల్డింగ్ ఉండాలి. ఆ భవంతిలో ప్రభాస్ తో కలిసి నేను భోజనం చేయాలనేది నా కోరిక.” అని కృష్ణం రాజు తెలిపాడు. అంటే ప్రభాస్ హాలీవుడ్ స్టార్ గా ఎదగాలన్న మాట. మరీ.. పెదనాన్న కోరికని ప్రభాస్ ఎప్పుడు తీరుస్తాడు ? అన్నది చూడాలి.
ప్రస్తుతం ప్రభాస్ రాధేశ్యామ్ సినిమాతో బిజీగా ఉన్నారు. ఆ తర్వాత నాగ్ అశ్విన్ దర్శకత్వంలో ఓ సినిమా చేయనున్నారు. ఇది కూడా పాన్ ఇండియా సినిమా. ఇక బాలీవుడ్ నటించనున్న స్ట్రయిట్ బాలీవుడ్ సినిమా ఆదిపురుష్ పై నిన్ననే అధికారిక ప్రకటన వచ్చింది. రామాయణం నేపథ్యంలో ఈ సినిమా తెరకెక్కనుంది. దాదాపు వెయ్యి కోట్ల రెమ్యూనరేషన్ తో తెరకెక్కనుంది. ఇదీగాక కేజీఎఫ్ దర్శకుడు ప్రశాంత్ నీల్ దర్శకత్వంలో ప్రభాస్ ఓ సినిమా చేయబోతున్నట్టు ప్రచారం జరుగుతోంది.
