హీరోగా మరో కమెడియన్
టాలీవుడ్ లో కమెడియన్స్ హీరోలు మారడం కొత్తేమీ కాదు. బ్రహ్మానందం, అలీ, సునీల్, శ్రీనివాస్ రెడ్డి, షకలక శంకర్ తదితరులు హీరోలా ముచ్చట తీర్చుకున్నవారే. తాజాగా మరో కమెడియన్ హీరో అవతారం ఎత్తనున్నాడు. కమెడియన్ సత్య హీరోగా ఓ సినిమా రాబోతుంది. హీరో సందీప్ కిషన్ తన హోమ్ బ్యానర్ లో నిర్మించే మూవీలో సత్యను హీరోగా తీసుకున్నాడట.
ఇటీవల ‘వివాహ భోజనంబు’ అనే టైటిల్ తో హీరో ఫేస్ కనిపించకుండా ఓ పోస్టర్ రిలీజ్ చేశాడు సందీప్ కిషన్. ఈ సినిమాలో హీరో సత్య అని తెలిసింది. అయితే ఈ విషయాన్ని ఇంకా సస్పెన్స్ లోనే ఉంచారు. ఈ సినిమాలో సత్యది హీరో పాత్రే అయినా… ఫుల్ టైమ్ కమెడియన్ లాగా ఫుల్లుగా నవ్విస్తాడట.
