ఈసారి ఐపీఎల్ షెడ్యూల్ లేదు. ప్రతీ మ్యాచ్ సస్పెన్స్ నే.. !!
ఐపీఎల్2020కి టైమ్ దగ్గర పడుతోంది. దుబాయ్ వేదికగా సెప్టెంబర్ 9 నుంచి నవంబర్ 10 వరకు మెగా టోర్నీ జరగనుంది. అయితే ఈసారి టోర్నీ షెడ్యూల్ ని విడుదల చేయడం లేదని బీసీసీఐ ప్రకటించింది. ప్రతీ మ్యాచ్ సస్పెన్స్ గా ఉండబోతుందని తెలిపింది. కరోనా విజృంభిస్తున్న నేపథ్యంలో ఈ సారి ముందస్తుగా షెడ్యూల్ ప్రకటించకుండానే మెగా టోర్నీని ప్లాన్ చేసినట్టు తెలుసోంది.\
ఐపీఎల్ 2020 టైటిల్ స్పాస్నర్ గా డ్రీమ్ 11 ఎంపికైన సంగతి తెలిసిందే. తాజాగా ఐపీఎల్ 2020 లోగోని బీసీసీఐ విడుదల చేసింది. టైటిల్ స్పాన్సర్‌గా ఉన్న మొబైల్‌ సంస్థ వివో.. ఈ ఏడాది ఒప్పందాన్ని రద్దు చేసుకుంది. దీంతో బీసీసీఐ కొత్త స్పాన్సర్లను ఆహ్వానించగా డ్రీమ్ 11 అనే ఫాంటసీ గేమింగ్‌ సంస్థ రూ.222 కోట్లకు ఈసారి ఆ హక్కులను దక్కించుకుంది. ఈ నేపథ్యంలోనే 2020 ఐపీఎల్ లోగో కూడా మారింది.
ఇక మొత్తం ఎనిమిది ఫ్రాంఛైజీల్లో ఇప్పటికే మూడు జట్లు దుబాయ్ కి చేరుకున్నాయి. అందులో రాజస్థాన్‌ రాయల్స్‌, కింగ్స్‌ ఎలెవెన్‌ పంజాబ్‌ గురువారం దుబాయ్‌కు చేరుకోగా కోల్‌కతా నైట్‌ రైడర్స్‌ జట్టు నిన్న సాయంత్రం అబుదాబి చేరుకుంది. మరోవైపు చెన్నై సూపర్‌ కింగ్స్‌, ముంబయి ఇండియన్స్‌, రాయల్‌ ఛాలెంజర్స్‌ బెంగుళూరు జట్లు నేడు విమానాలు ఎక్కనున్నాయి. వీళ్లందరికీ తొలుత కరోనా పరీక్షలు నిర్వహించి తర్వాత బయో బుడగలోకి అనుమతిస్తారు.
UPDATE: IPL schedule will not be announced this year and each match will be kept as surprise in IPL 2020.#IPL2020 pic.twitter.com/JTz6jFgPsi
— BCCI ➐ (@not_BCCI) August 20, 2020
