10రోజుల్లోనే ‘ఆర్ఆర్ఆర్’ నుంచి తారక్ ఫస్ట్ లుక్ !
‘ఆర్ఆర్ఆర్’లో తారక్ లుక్, టీజర్‌పై దర్శకధీరుడు రాజమౌళి స్పష్టత ఇచ్చారు. “పరిస్థితులు చక్కబడిన వెంటనే షూటింగ్‌ వెళ్తాం. ఈ విషయంలో వైద్యుల సలహా తప్పకుండా తీసుకుంటాం. ‘ఏం పర్వాలేదు వెళ్లొచ్చు’ అని వారి నుంచి అభయం వస్తే పది, పదిహేను రోజుల్లో తారక్ లుక్‌కు సంబంధించిన సన్నివేశాల చిత్రీకరించి, తారక్ ఫస్ట్‌లుక్‌ను విడుదల చేస్తాం” అని చెప్పుకొచ్చారు.
‘మా అన్న మన్నెందొర అల్లూరి సీతారామరాజు’ అంటూ గంభీరమైన వాయిస్‌తో ‘ఆర్ఆర్ఆర్’లో రామ్‌చరణ్‌ పాత్రను పరిచయం చేశారు ఎన్టీఆర్‌. చెర్రీ పుట్టిన రోజు సందర్భంగా వచ్చిన టీజర్‌ అభిమానులను ఆకట్టుకుంది. ఆ తర్వాత ఎన్టీఆర్‌ బర్త్‌డే సందర్భంగా చిత్ర బృందం నుంచి కచ్చితంగా సర్‌ప్రైజ్‌ వస్తుందని అంతా ఆశించారు. కానీ, కరోనా వైరస్‌, లాక్‌డౌన్‌ కారణంగా టీజర్‌కు సరిపోయే సన్నివేశాలను చిత్రీకరించలేకపోవడంతో తారక్ అభిమానులు నిరాశపడ్డారు. ఈ నేపథ్యంలో రాజమౌళి చెప్పిన తీపి కబురు ఎన్టీఆర్‌ అభిమానుల్లో ఉత్సాహాన్ని నింపుతోంది.
