నూతన్ నాయుడు ఇంట్లో ద‌ళిత యువకుడి గుండు (వీడియో)
బిగ్ బాస్ ఫేమ్ నూతన్ నాయుడు ఇంట్లో ఓ ద‌ళిత యువకుడికి గుండు గీయించిన ఘటనకి సంబంధించి పోలీసులు సీసీ పుటేజ్ ని విడుదల చేశారు. ఈ వీడియోలో నూతన్ నాయుడు భార్య మధుప్రియ దగ్గరుండి యువకుడి గుండు కొట్టించింది. అంతకుముందు ఆమె యువకుడికి కర్రతో దేహాశుద్ది కూడా చేసినట్టు సీసీ పుటేజ్ లో స్పష్టంగా కనిపిస్తోంది.
ఈ కేసులో పోలీసులు మొత్తం ఏడుగురిపై కేసులు నమోదు చేశారు. మధుప్రియ, ఇందిరా, ఝాన్సీ , సౌజన్య, రవి, బాలు, వరహాలు మీద కేసు నమోదైంది. నిందితుల‌పై ఐపీసీ సెక్షన్ 307, 342, 324, 323, 506, ఆర్‌డబ్ల్యూ 34 ఐపీసీ 3(1)(ఈ).3(2)(వీ), ఎస్సీ, ఎస్టీ, పీఓఏ యాక్ట్ ప్రకారం కేసు నమోదు చేశారు. విశాఖ జిల్లా పెందుర్తి మండ‌లం గిరిప్ర‌సాద్‌ న‌గ‌ర్‌కు చెందిన ఓ ద‌ళిత యువకుడికి నూతన్ నాయుడు ఇంట్లో ఈ ఘోర అవమానం జరిగింది.
