హ్యాపీ బర్త్ డే వకీల్ సాబ్

పవన్ కల్యాణ్ – ఓ పవర్. ఆ పేరు పలికితే ప్రేక్షకులు ఊగిపోతారు. ఇక పవన్ అభిమానుల గురించి ప్రత్యేకంగా చెప్పనక్కర్లేదు. గుండెల్లో పెట్టుకొని ఆరాధిస్తారు. దేవుడిలా కొలుస్తారు. ఈరోజు (సెప్టెంబర్ 2) ఆ దేవుడి పుట్టినరోజు. ఈ సందర్భంగా ఆయనకి శుభాకాంక్షలు వెలువుత్తున్నాయి. సామాన్యుడు, సెలబ్రిటీలు అందరూ పవన్ నామా జపం చేస్తున్నారు. ఆయన బాగుండాలని ఆకాంక్షిస్తున్నారు. వారి కోరికలు ఫలించి.. పవన్ ఆరోగ్యంగా, ఆర్థికంగా, రాజకీయంగా బాగుండాలని కోరుకుంటోంది.. మీ టీఎస్ మిర్చి డాట్ కామ్.

ఇక అభిమానుల నుంచి పవన్ బహుమతులు క్యూ కడుతున్నాయి. ఫోటోలు, వీడియోలు.. రూపంలో పవన్ పై అభిమానాన్ని చాటుకుంటున్నారు. అవి సోషల్ మీడియాలో వైరల్ అవుతున్నాయ్. ఇక పవన్ నుంచి అభిమానులకి మూడు గిఫ్టులు అందనున్నాయి. ఈ ఉదయం 9:09గంటలకి ‘వకీల్ సాబ్’ గిఫ్ట్ రాబోతుంది. మధ్యాహ్నం క్రిష్ సినిమా, సాయంత్రం హరీష్ సినిమా అప్ డేట్స్ రాబోతున్నాయి. మధ్యలో నితిన్, త్రివిక్రమ్.. లాంటోళ్లు సప్రైజ్ గిఫ్ట్ లు అందించనున్నట్టు సమాచారమ్.