పవన్ బర్త్ డే వేడుకల్లో విషాదం.. ముగ్గురు మృతి !
జనసేన అధినేత, పవర్ స్టార్ పవన్ కల్యాణ్ పుట్టినరోజు వేడుకల్లో విషాదం నెలకొంది. చిత్తూరు జిల్లా శాంతిపురంలో ఫెక్సీలు కడుతుండగా విద్యుత్ షాక్ తగిలి ముగ్గురు పవన్ అభిమానులు మృతి చెందారు. ఇందులో ఇద్దరు అన్నదమ్ములు ఉండటం.. ఆ ప్రాంతం లో విషాద ఛాయలు నెలకొన్నాయి.
ఈ ఘటనపై పవన్ కల్యాణ్ స్పందించారు. జన సైనికుల మరణం మాటలకు అందని విషాదం అన్నారు. ఈ మేరకు ఓ ప్రెస్ నోటు లాంటిది విడుదల చేశారు. ఈ ఘటన తన మనసుని బాగా కలచి వేసింది. ఆర్థికంగా ఆ కుటుంబాలను ఆదుకుంటామని పవన్ హామీ ఇచ్చారు. వారి కుటుంబాలకు ప్రగాఢ సానుభూతి తెలిపారు.
జన సైనికుల మరణం మాటలకు అందని విషాదం – JanaSena Chief Shri @PawanKalyan pic.twitter.com/RJ5qEP498p
— JanaSena Party (@JanaSenaParty) September 1, 2020
