ఆన్ లైన్’లోనే ‘వి’ ప్రీ-రిలీజ్ వేడుక.. టైమ్ ఫిక్స్ !
ఇంద్రగంటి మోహన కృష్ణ దర్శకత్వంలో నాని, సుధీర్ బాబు కథానాయకులుగా నటించిన చిత్రం ‘వి’. నివేదా థామస్, అదితి రావు హైదరి కథానాయికలు. దిల్ రాజు నిర్మించారు. సెప్టెంబర్ 5న అమెజాన్ ప్రైమ్ లో ‘వి’ విడుదల కానుంది. ఈ నేపథ్యంలో ఈ సినిమా ప్రీ రిలీజ్ వేడుకని ప్లాన్ చేసింది. అది కూడా అన్ లైన్ లోనే. రేపు (సెప్టెంబర్ 4) సాయంత్రం 6గంటలకి ఈ ఈవెంట్ జరగనుంది. ఈ మేరకు చిత్రబృందం ప్రకటించింది.
ఇక వి చిత్రాన్ని దాదాపు 200 దేశాల్లోని తెలుగు వాళ్లు ఒకేసారి చూడబోతున్నారు. ఇదో మిస్టరీ యాక్షన్ ఎమోషనల్ డ్రామా. ఆద్యంతం రక్తి కట్టిస్తుందని దర్శకుడు ఇంద్రగంటి చెబుతున్నారు. ముఖ్యంగా స్టైల్ కంటెంట్ బడ్జెట్ పరంగా నంబర్ వన్ సినిమా ఇది. అందరినీ మెప్పిస్తుందన్నారు. ఇందులో నాని సైకో పాత్రలో.. ఆ సైకోని పట్టుకొనే పోలీస్ ఆఫీస్ పాత్రలో సుధీర్ బాబు కనిపించనున్నారు.
