సుశాంత్ కేసు : రియాని అరెస్ట్ చేయబోతున్నారా ?
బాలీవుడ్ హీరో సుశాంత్ సింగ్ రాజ్ పుత్ కేసులో డ్రగ్స్ కోణం వెలుగులోకి వచ్చిన సంగతి తెలిసిందే. ఈ కేసులో సుశాంత్ గర్ల్ ఫ్రెండ్ రియా చక్రవర్తి సోదరుడు షోవిక్ చక్రవర్తిని పోలీసులు అరెస్టు చేశారు. డ్రగ్స్ కేసులో అతడితో పాటు సుశాంత్ సింగ్ రాజ్ పుత్ హౌస్ మేనేజర్ శామ్యూల్ మిరండాను పోలీసులు అరెస్టు చేశారు. అంతేకాదు.. డ్రగ్స్ కేసులోనే రియా చక్రవర్తిని కూడా అరెస్ట్ చేసే అవకాశాలున్నట్టు సమాచారమ్.
రియా చెబితే.. ఆమె సోదరుడు షోవిక్ చక్రవర్తి డ్రగ్స్ తెప్పించాడట. మరీ.. తమ్ముడితో డ్రగ్స్ ని తెప్పించిన రియా… దానిని ఎవరెవ్వరికి అందించింది అన్నది తెలియాల్సి ఉంది. సుశాంత్ కి రియా డ్రగ్స్ అలవాటు చేసింది. ఆయనకి తెలియకుండానే డ్రగ్స్ ఇచ్చింది. దీంతో సుశాంత్ డిప్రెషన్ లోకి వెళ్లిపోయారు. అదే ఆయన ఆత్మహత్యకు కారణమనే ఆరోపణలున్నాయి. తాజాగా దర్యాప్తులో వెలుగు చూస్తున్న అంశాలు గమనిస్తే.. ఆ ప్రచారం నిజమేనేమో ? అనిపిస్తోంది. అయితే పూర్తి వివరాలు దర్యాప్తులో వెలుగులోనికి రానున్నాయి.
