తెలంగాణలో తగ్గిన కరోనా కేసులు

తెలంగాణలో ప్రతిరోజూ కొలిచినట్టు కొత్త కరోనా కేసులు నమోదవుతున్న సంగతి తెలిసిందే. ప్రతిరోజూ 2వేల నుంచి 2500 మధ్య కొత్త కేసులు, 10లోపు మరణాలు సంభవిస్తున్నాయి. అయితే ప్రభుత్వం తప్పుడు లెక్కలు చూపుతుందని ప్రతిపక్షాలు, హైకోర్ట్ అసంతృప్తి, ఆగ్రహం వ్యక్తం చేస్తున్నాయి. ఈ విషయం పక్కనపెడితే.. తాజాగా తెలంగాణలో కరోనా కొత్త కేసుల సంఖ్య తగ్గింది.

గడిచిన 24గంటల్లో తెలంగాణలో  1,802 కొత్త కేసులు నమోదయ్యాయ్. మరో 9 మంది కరోనాతో మృతి చెందారు. దీంతో రాష్ట్రంలో మొత్తం కరోనా కేసుల సంఖ్య  1,42,771కి చేరింది. ఇక మృతుల సంఖ్య 895కి చేరింది. నిన్న ఒక్కరోజే 2711 మంది కరోనా నుంచి పూర్తిగా కోలుకొని డిశ్చార్జ్ అయ్యారు. ప్రస్తుతం రాష్ట్రంలో 31,635 యాక్టివ్ కేసులు ఉండగా.. అందులో 24,596 మంది రోగులు హోం ఐసోలేషన్‌లోనే ఉన్నట్టు ప్రభుత్వం ప్రకటించింది.