కరోనా నుంచి తెలంగాణ కోలుకుంటోంది !

తెలంగాణలో కరోనా విజృంభణ కొనసాగుతోంది. ప్రతిరోజూ 2వేలకు పైగా కొత్త కేసులు, 10లోపు మరణాలు సంభవిస్తున్నాయి. అయితే అదే సమయంలో రికవరీ రేటు పెరుగుతోంది. గడిచిన 24 గంటల్లో 2,275 కొత్త కేసులు నమోదు కాగా.. 2,458 మంది కరోనా నుంచి పూర్తిగా కోలుకొని డిశ్చార్జ్ అయ్యారు. ఈ లెక్కన కరోనా నుంచి తెలంగాణ మెల్లమెల్లగా కోలుకుంటోంది అని చెప్పవచ్చు.

ఇక రాష్ట్రంలో నమోదైన పాజిటివ్ కేసుల సంఖ్య 1,54,880కు చేరింది. నిన్న ఒక్కరోజే 10 మంది మృతి చెందారు. దీంతో మొత్తం మృతుల సంఖ్య  950కి చేరింది. మరణాల రేటులో తెలంగాణలో 0.61శాతంగా ఉంది.  రికవరీలో రేటులో 78.7 శాతానికి పెరిగింది. ప్రస్తుతం రాష్ట్రంలో 32,005 యాక్టివ్ కేసులు ఉండగా.. వీరిలో 25,050 మంది హోం క్వారంటైన్, హోం ఐసోలేషన్‌లోనే ఉన్నారు.