మొక్కు తీర్చుకున్న రాజమౌళి దంపతులు

దర్శకుడు రాజమౌళి దంపతులు మొక్కు తీర్చుకున్నారు. క‌ర్ణాట‌క ఛామ‌రాజ‌న‌ర‌గ్ జిల్లాలోని ప్రాచీన‌ హిమ‌వ‌ద్ గోపాల‌స్వామి ఆలయంలో ప్రత్యేక పూజలు చేశారు. ఇటీవల రాజమౌళి కుటుంబం కరోనా బారినపడి కోలుకున్న సంగతి తెలిసిందే. ఆ సమయంలో మొక్కుకున్న మొక్కుని తాజాగా తీర్చుకున్నట్టు తెలుస్తోంది. ఆ సమయంలో తీసిన ఫోటో ఒకటి సోషల్ మీడియాలో వైరల్ అవుతోంది.

ప్రస్తుతం రాజమౌళి ‘ఆర్ఆర్ఆర్’తో బిజీగా ఉన్నారు. కరోనాతో ఆర్ ఆర్ ఆర్ షూటింగ్ కు బ్రేక్ పడింది. తెలుగు రాష్ట్ర ప్రభుత్వాలు షూటింగ్ లకు అనుమతులు ఇవ్వగానే ఆర్ ఆర్ ఆర్ షూటింగ్ మొదలు పెట్టేందుకు జక్కన్న కసరత్తు చేశారు. కానీ, ప్రభుత్వం విధించిన నిబంధనలని పాటిస్తూ.. షూటింగ్ చేయడం కష్టమని భావించి.. వెనక్కి తగ్గారు. వచ్చే యేడాది జనవరి 8కి రావాల్సిన ఆర్ ఆర్ ఆర్ వేసవికి వెళ్లింది.