ఐపీఎల్2020 : టాస్ గెలిచి ఫీల్డింగ్ ఎంచుకున్న పంజాబ్

ఐపీఎల్-13లో భాగంగా జరగనున్న రెండో మ్యాచ్ లో ఢిల్లీ క్యాపిటల్స్, పంజాబ్ కింగ్స్ లెవన్ జట్లు తలపడనున్నారు. మరికొద్ది నిమిషాల్లో మ్యాచ్ ప్రారంభం కానుంది. ఇప్పటికే టాస్ పడింది. టాస్ గెలిచిన పంజాబ్ ఫీల్డింగ్ ఎంచుకుంది. ఇక రెండు జట్లు భారీ మార్పులతో ఈ సారి బరిలోకి దిగుతున్నాయి. కె ఎల్ రాహుల్ తొలిసారి కెప్టెన్సీ బాధ్యతలని నిర్వహించబోతున్నారు. ఢిల్లీ క్యాపిటెల్స్ కెప్టెన్ గా శ్రేయస్ అయ్యర్ ఇప్పటికే నిరూపించుకున్నారు.

ఈ మ్యాచ్ లో ఫోకస్ అంతా రిషబ్ పంత్ పైనే ఉంది. ధోని అంతర్జాతీయ క్రికెట్ నుంచి తప్పుకున్న నేపథ్యంలో ఆయన స్థానాన్ని భర్తీ చేయనున్న ఆటగాళ్లలో పంత్ గట్టి పోటీ ఇస్తున్నారు. ఇక పంజాబ్ లోనూ మాక్స్ వెల్ లాంటి హిట్టర్స్ ఉన్నారు. మొత్తానికి.. నిన్నటి ముంబై-చెన్నై మ్యాచ్ కంటే రసవత్తరంగా నేటి ఢిల్లీ-పంజాబ్ మ్యాచ్ ఉండనుందని అర్థమవుతోంది.