కైరా అక్కడ సేదతీరుతోంది

తెలుగు ప్రేక్షకులకి బాగా దగ్గరైన బాలీవుడ్ హీరోయిన్ కైరా అడ్వానీ. సూపర్ స్టార్ మహేష్ బాబు ‘భరత్ అను నేను’ సినిమాతో తెలుగు తెరకు పరిచయం అయింది. ఆ తర్వాత రామ్ చరణ్ ‘వినయ విధేయ రామ’ సినిమాలో నటించింది. అంతకుముందు ధోని బయోపిక్ తో తెలుగు ప్రేక్షకులని ఆకట్టుకుంది.  ఇక యంగ్ రెబల్ స్టార్ ప్రభాస్ నటించనున్న స్ట్రయిట్ బాలీవుడ్ చిత్రం ఆదిపురుష్ లో సీత పాత్ర కోసం కైరా పేరు వినిపిస్తోంది.

సినిమా విషయాలు పక్కనపెడితే.. తాజాగా కైరా కొత్త ఫోటోలు సోషల్ మీడియాలో వైరల్ అవుతున్నాయి. మరో అమ్మాయితో కలిసి పిక్నిక్ వెళ్లినట్టుగా ఉంది. అక్కడ పచ్చని వాతావరణంలో చిరు నవ్వులు చిందిస్తున్న ఫోటోలు ప్రస్తుతం సోషల్ మీడియాలో వైరల్ అవుతున్నాయి.  ప్రస్తుతం కైరా బాలీవుడ్ లో వరుస సినిమాలతో బిజీగా ఉంది. #IndooKiJawani, లక్ష్మీబాంబ్ సినిమాల్లో నటిస్తోంది.