బిగ్ బాస్ : షాకింగ్ ఎలిమినేషన్

తెలుగు బిగ్ బాస్ సీజన్ 4 మూడు వారాలని విజయవంతంగా పూర్తి చేసుకుంది. ఎప్పటిలాగే మూడో వీకెండ్ సరదా సరదాగా సాగింది. అయితే, ఈ వారం దేవి నాగవల్లి ఎలిమినేట్ కావడం షాక్ కి గురి చేస్తోంది. దేవి అంత నీరసంగా ఏమీ గేమ్ ఆడలేదు. ఇంటి సభ్యుల్లో ఒక్క అమ్మ రాజశేఖర్ తో తప్ప మిగితావారితో ఆమెకి మంచి సంబంధాలే ఉన్నాయి. ఇదీగాక కుమార్ సాయి బోర్ కొట్టిస్తున్నాడు. ఆయన నవ్వించడం కూడా లేదని స్వయంగా హోస్ట్ నాగార్జుననే అన్నారు. అలాంటి కుమార్ సాయి కాకుండా దేవి ఎలిమినేట్ అవ్వడం బిగ్ షాకే అని చెప్పాలి.

మూడో వారంలో ఎలిమినేషన్స్‌లో ఉన్న ఏడురు ఇంటి సభ్యులు లాస్య, దేవి నాగవళ్లి, మోనాల్‌, కుమార్‌ సాయి, మెహబూబ్‌, అరియానా, హారిక సేవ్‌ అయినట్లు నాగార్జున ప్రకటించారు. ఇక చివరికి ఎలిమినేషన్‌లో కుమార్ సాయి, దేవి నాగవల్లి ఉన్నారు. వీరిలో ఎవరు సేవ్‌ అవుతారు. ఎవరు వెళ్లిపోతారు తెలుసుకునేందుకు బిగ్‌బాస్‌ రెండు బాక్స్‌లను ఏర్పాటు చేశారు. అందులో చేయిపెట్టిన తర్వాత ఎవరికి రెడ్‌ కలర్‌ అంటితే వారు ఎలిమినేషన్‌, ఎవరికి గ్రీన్‌ కలర్‌ అంటితే వారు సేవ్‌ అయినట్లు చెప్పారు నాగార్జున. దేవి ఎలిమినేట్ కావడం పట్ల నాగ్ కూడా ఆశ్చర్యం వ్యక్తం చేశారు. ఇక ఈ వారాన్ని గంగవ్వ కెప్టెన్ గా ఎన్నికైన సంగతి తెలిసిందే.