కీర్తి సురేష్ ఓటీటీ  క్వీన్ !

కరోనా లాక్‌డౌన్ తో థియేటర్స్ మూతపడటంతో సినిమా రిలీజ్ కు ఓటీటీ ఒక్కటే ఆప్షన్ గా మారింది. మొదట్లో ఓటీటీ రిలీజ్ కు పెద్ద సినిమాలు ఆసక్తి చూపలేదు. కానీ తప్పడం లేదు. అయితే  ఓటిటి ద్వారా విడుదలైన చెప్పుకోతగిన దక్షిణాది సినిమాలలో మొదటిది కీర్తి సురేష్ నటించిన ‘పెంగ్విన్’. కీర్తి సురేష్ నటించిన మరో రెండు చిత్రాలు కూడా ఓటిటి బాట పడుతున్నాయి. ‘గుడ్ లక్ సఖి’, ‘మిస్ ఇండియా’ చిత్రాలు ఓటిటి రిలీజ్‌కి డీల్ ఓకే చేసుకున్నట్టు సమాచారం. ఈ మూడు కూడ లేడీ ఓరియెంటెడ్ సినిమాలే.

కీర్తి నటిస్తున్న కమర్షియల్ చిత్రం ‘రంగ్ దే’ కూడా ఓటిటి రిలీజ్ అవుతుందనే ప్రచారం జోరుగా జరుగుతోంది. నితిన్, కీర్తి సురేష్ జంటగా నటించిన ఈ చిత్రానికి జీ5 నెట్‌వర్క్ బంపర్ ఆఫర్ ఇచ్చినట్టు సమాచారమ్. త్వరలోనే రంగ్ దే ఓటీటీ రిలీజ్ పై అధికారిక ప్రకటన రానుంది. చూస్తుంటే.. కీర్తి సురేష్ నటించిన అన్నీ సినిమాలు ఓటీటీలోనే రిలీజ్ అయ్యేలా ఉంది. అదే జరిగితే.. కీర్తి ఓటీటీ క్వీన్ గా మారడం ఖాయం.