ఓరేయ్ బుజ్జిగా.. ట్రైలర్ అదిరింది !

విజయ్‌ కుమార్‌ కొండా దర్శకత్వం  రాజ్ తరుణ్- మాళవిక నాయర్ జంటగా నటించిన చిత్రం ‘ఓరేయ్ బుజ్జిగా’.  హెబ్బాపటేల్‌ కీలకపాత్ర నటించారు. ఈచిత్రానికి అనూప్‌ రూబెన్స్‌ సంగీతం అందించారు. రాధామోహన్‌ నిర్మాత. మొదట ఈ చిత్రాన్ని థియేటర్లలో విడుదల చేయాలని భావించినప్పటికీ లాక్‌డౌన్‌ కారణంగా ఓటీటీ వేదికగా విడుదల చేస్తున్నారు. అక్టోబర్‌ 2న ‘ఆహా’ వేదికగా ఈ సినిమా విడుదల కానుంది. తాజాగా ఈ సినిమా ట్రైలర్ ని రిలీజ్ చేశారు. ట్రైలర్ ని ఎంటర్ టైనింగ్ గా కట్ చేశారు. సినిమా ఈ రేంజ్ లో ఉంటే సూపర్ హిట్టే.

‘ఈ ప్రపంచంలోని ప్రతి మగాడు నా ప్రైవసీని డిస్టర్బ్‌ చేసేవాడే. అక్కడ మా బావ, ఇక్కడ వీడు..’ అని మాళవిక నాయర్ చిరాకుపడటం ట్రైలర్ ని చూడొచ్చు. ఆమె చిరాకు బుజ్జిగాడిపైనే అని అర్థమవుతోంది. అయితే బుజ్జిగా తన ప్లేసులో ఇంకొక్కరి పంపించి.. డ్రామా నడిపించినట్టు తెలుస్తోంది. అది కావాల్సినంత వినోదం పంచింది. సినిమాలో ఫుల్ లెన్త్ కామెడీ ఉండబోతున్నట్టు ట్రైలర్ తో హింట్ ఇచ్చేశారు.