కిషన్ గర్ల్ ఫ్రెండ్ మురిపెం చూశారా ?

ఐపీఎల్2020లో రోజుకో హీరో పుట్టుకొస్తున్నారు. మొన్న పడిక్కల్, నిన్న రాహుల్ తెవాతియా, ఇవాళ ఇషాన్ కిషన్. నిన్నటి 
బెంగళూరుతో మ్యాచులో కిషన్‌ (99; 58 బంతుల్లో 2×4, 9×6) దుమ్ములేపాడు. అసలే ఆశలు లేవనుకున్న మ్యాచ్ ని గెలుపు అంచుల వరకు తీసుకొచ్చాడు. ఫైనల్ మ్యాచ్ టై అయింది. ఇక సూపర్ ఓవర్ లో బెంగళూరు గెలుపొందింది. అయినా.. కిషన్ అద్భుత ఇన్నింగ్స్  పై ప్రశంసల జల్లు కురుస్తోంది.

కిషన్‌ ప్రేయసిగా భావిస్తున్న మోడల్‌, మిస్‌ ఇండియా 2017 పోటీదారు అదితి హుండియా సైతం అతడిని పొగిడేసింది. ఇన్‌స్టాగ్రామ్‌ స్టోరీస్‌లో ‘బేబీ’ అని చనువుగా సంబోధించింది. ‘నిన్ను చూసి నేనెంతగానో గర్వపడుతున్నాను బేబీ’ అని ఈ ముంబయి యువ క్రికెటర్‌ను అభినందించడం గమనార్హం.

అదితి ముంబయి జట్టుకి ఫ్యాన్‌గర్ల్‌! గతంలోనూ వాంఖడేలో ఆ జట్టుకు మద్దతుగా నిలిచింది. చాలాకాలంగా ఆమె ఇషాన్‌తో ప్రేమలో ఉన్నట్టు వార్తలు వస్తున్నాయి. వీరిద్దరూ కలిసి చనువుగా దిగిన చిత్రాలు ఇంటర్నెట్లో వైరల్‌ అయ్యాయి. మిస్‌ రాజస్థాన్‌గా ఎంపికైన అదితి 2017లో మిస్‌ ఇండియా పోటీల్లో భాగమైంది. మిస్‌ దివా 2018లో ‘మిస్‌ దివా సుప్రానేషనల్‌’గా గెలిచింది. పోలండ్‌లో జరిగిన మిస్‌ సుప్రానేషనల్‌ పోటీల్లో భారత్‌కు ప్రాతినిధ్యం వహించింది.