బ్రేకింగ్ : దుబ్బాక ఉప ఎన్నిక షెడ్యూల్ విడుదల

సిద్ధిపేట జిల్లా దుబ్బాక ఉప ఎన్నికకి షెడ్యూల్ విడుదలైంది. అక్టోబర్ 19న నోటిఫికేషన్ జారీ చేయనున్నారు. నవంబర్ 3న పోలింగ్ జరగనుంది. నవంబర్ 10న ఫలితం వెల్లడించనున్నారు. కాగా, స్థానిక టీఆర్‌ఎస్‌ ఎమ్మెల్యే సోలిపేట రామాలింగారెడ్డి మృతితో దుబ్బాకలో ఉప ఎన్నిక అనివార్యమైన సంగతి తెలిసిందే.

ఇప్పటికే దుబ్బాక ఉప ఎన్నిక కోసం రాజకీయ పార్టీలు రెడీ అవుతున్నాయి. తెరాస అభ్యర్థిని తిరిగి గెలిపించుకొనే బాధ్యతని మంత్రి హరీష్ రావు తీసుకున్నారు. దుబ్బాక అభివృద్ది బాధ్యత తనదేనని ఇప్పటికే హరీష్ రావు హామీ ఇచ్చారు. మరోవైపు కాంగ్రెస్, భాజాపాలు దుబ్బాక ఉప ఎన్నికకి ప్రతీష్టాత్మకంగా తీసుకున్నాయి. ఉప ఎన్నికలో గెలుపొంది తెరాస పాలనకి రిఫరెండంగా చూపాలని భావిస్తున్నాయి.