రాజ్ తరుణ్ ఫ్రీ రిలీజ్ రికార్డ్ 

కుర్ర హీరో రాజ్ తరుణ్ ప్రస్తుతం ప్లాపుల్లో ఉన్నాడు. రవితేజ వారసుడు, మినిమమ్ గ్యారెంటీ హీరో ట్యాగ్ నుంచి నెల జీతానికి పనిచేసే స్థాయికి రాజ్ పరిస్థితి పరిస్థితి పడిపోయింది. ఈ నేపథ్యంలో ‘ఓరేయ్ బుజ్జిగా’ సినిమా ఆడటం ఆయనకి చాలా ముఖ్యం. విజయ్ కుమార్ కొండా కూడా పేరున్న దర్శకుడు. గతంలో గుండెజారి గల్లంతైందే లాంటి సూపర్ హిట్ ఇచ్చాడు.

ఇక నిన్న వదిలిన ఓరేయ్ బుజ్జిగా ట్రైలర్ కి మంచి స్పందన వస్తోంది. ట్రైలర్ ఎంటర్ టైనింగ్ గా ఉంది. సినిమా కూడా ఈ రేంజ్ లో ఉంటే రాజ్ తరుణ్ కి ఓ హిట్ పడినట్టే. ఈ నేపథ్యంలో ఈ సినిమా భాగా ప్రమోట్ చేస్తున్నారు దిల్ రాజు. ప్రీ రిలీజ్ ఫంక్షన్ ని కూడా ఏర్పాటు చేసారు. అన్నీ ప్రీ రిలీజ్ ఫంక్షన్స్ లా నిర్వహించబోతున్నారు. కరోనా లాక్‌డౌన్ తర్వాత జరుగుతున్న తొలి కమర్షియల్ ప్రీ రిలీజ్ ఫంక్షన్ ఇది. ఈ లెక్కన్న రాజ్ తరుణ్ పేరిట ప్రీ రిలీజ్ రికార్డ్ నమోదైందని సరదాగా చెప్పుకుంటున్నారు.

కొండా విజయ్ కుమార్ దర్శకత్వంలో రాజ్ తరుణ్-హెబ్బా-మాళవిక నాయర్ జంటగా నటించిన చిత్రం ‘ఓరేయ్ బుజ్జిగా’. కేకె రాధామోహన్ నిర్మాత. అక్టోబర్ 2న ఒటిటిలో విడుదలవుతోంది.  ఈ సందర్భంగా ప్రీ రిలీజ్ ఫంక్షన్ ఏర్పాటు చేసారు. ఈ సాయంత్రం ఐటిసి కోహినూర్ హోటల్ లో ఫంక్షన్ ఏర్పాటు చేశారు. కరోనా లాక్‌డౌన్ తర్వాత టాలీవుడ్  లో జరుగుతున్న తొలి ప్రీ రిలీజ్ ఫంక్షన్ ఇది. పాటలు, డ్యాన్సులు అన్నీ ఉండనున్నాయట.

రాహుల్ సిప్లిగంజ్ కొన్ని పాటలు పాడతారు. అనూప్ రూబెన్స్ టీమ్ మరి కొన్ని పాటలు పాడతారు. సత్య టీమ్ డ్యాన్స్ లు వుంటాయని తెలుస్తోంది. అయితే చిత్రబృందం, అతికొద్ది మంది అతిథుల మధ్య కరోనా నిబంధనలని పాటిస్తూ.. ఈ ప్రీ రిలీజ్ ఫంక్షన్ ప్లాన్ చేసినట్టు తెలుస్తోంది. అయితే ఈ ఫంక్షన్ కి రాబోతున్న ముఖ్య అతిథి ఎవరు ? అన్నది క్లారిటీ లేదు.