నా తప్పు ఏమున్నదబ్బా.. !
‘నా తప్పు ఏమున్నదబ్బా…’ అంటోంది బాలీవుడ్ బ్యూటీ ఊర్వశి రౌతేలా. ఆమె నటిస్తున్న తెలుగు చిత్రం ‘బ్లాక్ రోజ్’. దర్శకుడు సంపత్‌ నంది అందించిన కథతో.. మోహన్‌ భరద్వాజ్‌ తెరకెక్కిస్తున్నారు. ప్రముఖ రచయిత షేక్‌స్పియర్‌ రాసిన ”ది మర్చంట్‌ ఆఫ్‌ వెనిస్‌’లోని షైలాక్‌ పాత్ర ఆధారంగా సంపత్‌ ఈ కథను సిద్ధం చేశారట. రూ.3 వేల కోట్ల టర్నోవర్‌ ఉన్న ఓ ఫైనాన్స్‌ కంపెనీలో పని చేస్తున్న ఓ మోడ్రన్‌ మహిళ వసుధ జీవితంలో ఓ రోజు ఏం జరిగిందనేదే ఈ చిత్ర కథ. శ్రీనివాస చిట్టూరి నిర్మాత. తెలుగుతోపాటు హిందీలోనూ ఈ సినిమాను రూపొందిస్తున్నారు.
తాజాగా ఈ చిత్రంలోని ‘నా తప్పు ఏమున్నదబ్బా..’ అనే గీతాన్ని విడుదల చేశారు. ఇందులో ఊర్వశి తన అందాన్ని, దాని వల్ల వచ్చిన కష్టాల్ని చెబుతూ.. చిందేశారు. మణిశర్మ ఈ పాటకు బాణీలు అందించారు. హారికా నారాయణ్‌ ఆలపించారు. సంపత్‌ నంది పాట సాహిత్యం రాశారు.
