ఓ రోజు ముందుగానే బుజ్జిగాడు

ఒకేరోజు రెండు సినిమాలు థియేటర్స్ లో రిలీజ్ కాకుండా జాగ్రత్తపడేవారు. అలా అయితే కలెక్షన్స్ మీద ప్రభావం ఉంటుందని భావించేవాళ్లు. ఇప్పుడు ఓటీటీలోనూ ఒకే రోజు రెండు సినిమాలు రిలీజైతే సమస్యే అంటున్నారు. ఇన్నాళ్లు థియేటర్స్ కోసం వేచి చూసిన నిశ్శబ్ధం, ఒరేయ్ బుజ్జిగా సినిమాలు అక్టోబర్ 2న ఓటీటీలో రిలీజ్ కాబోతున్న సంగతి తెలిసిందే. అయితే ఇప్పుడు బుజ్జిగాడు ఓ రోజుకు జరిగాడు.

అక్టోబ‌రు 1నే ఈ సినిమాని విడుద‌ల చేయాలని ఫిక్స్ అయ్యింది. అక్టోబ‌రు 1 రాత్రి 6 గంట‌ల‌కే ఈ సినిమాని చూడొచ్చు.  స్వీటీ అనుష్క `నిశ్శ‌బ్దం` కూడా అక్టోబ‌రు 2నే విడుద‌ల అవుతోంది. రెండు సినిమాలూ ఒకే రోజు అయిన‌ప్పుడు అంద‌రి క‌ళ్లూ `నిశ్శ‌బ్దం` సినిమాపై నే ఉంటాయి. ఎంత ఓటీటీ అయినా ప్రేక్ష‌కుల మొద‌టి ఆప్ష‌న్ అంటూ ఒక‌టి ఉంటుంది. అది కచ్చితంగా నిశ్శబ్ధం అవుతుంది. అందుకే రిస్క్ తీసుకోవ‌డం ఇష్టం లేక‌.. ఒక‌రోజు ముందుగానే బుజ్జిగాడిని ఓటీటీలో విడుద‌ల చేసేస్తున్నారు.  ఈ చిత్రానికి విజయ్ కుమార్ కొండా దర్శకత్వం వహించారు. రాజ్ త‌రుణ్‌, హెబ్బా ప‌టేల్‌, మాళ‌విక నాయ‌ర్ లీడ్ రోల్స్ లో నటించారు. ట్రైలర్ తోనే బుజ్జిగాడు నవ్వించేశాడు. సినిమా మొత్తం అవే ఉంటే.. రాజ్ తరుణ్ కి హిట్ దక్కినట్టే.