బెంగళూరు ఘన విజయం

అబుదాబి వేదికగా జరిగిన మ్యాచ్‌లో రాజస్థాన్‌పై కోహ్లీసేన ఎనిమిది వికెట్ల తేడాతో ఘన విజయం సాధించింది. టాస్‌ గెలిచి బ్యాటింగ్‌ చేసిన రాజస్థాన్‌.. చాహల్‌ ధాటికి (3/24) నిర్ణీత 20 ఓవర్లలో ఆరు వికెట్లకు 154 పరుగులు చేసింది. మహిపాల్ (47; 39 బంతుల్లో, 1×4; 3×6) రాణించాడు.

అనంతరం ఛేదనకు దిగిన బెంగళూరు 19.1 ఓవర్లలో రెండు వికెట్లు కోల్పోయి లక్ష్యాన్ని అందుకుంది.విరాట్‌ కోహ్లీ (72*; 53 బంతుల్లో; 7×4, 2×6) కళాత్మక ఇన్నింగ్స్‌కు దేవదత్ పడిక్కల్‌ (63; 45 బంతుల్లో, 6×4, 1×6) దూకుడు తోడవ్వడంతో బెంగళూరు ఖాతాలో మరో విజయం నమోదైంది.  ఈ గెలుపుతో పాయింట్ల పట్టికలో కోహ్లీసేన అగ్రస్థానానికి చేరింది.