భువీ, మిశ్రా.. ఐపీఎల్ నుంచి అవుట్ !
సన్ రైజర్స్ హైదరాబాద్ కు భారీ షాక్. గాయాలపాలైన పేసర్ భువనేశ్వర జట్టుకు దూరం కానున్నారు. న్నైతో జరిగిన మ్యాచ్‌లో భువనేశ్వర్‌ తుంటికి గాయమైన సంగతి తెలిసిందే. 19వ ఓవర్‌లో బౌలింగ్‌ చేస్తూ అతడు గాయపడ్డాడు. దీంతో మ్యాచ్‌ మధ్యలోనే మైదానాన్ని వీడాడు. అనంతరం ముంబయితో జరిగిన మ్యాచ్‌కు కూడా దూరమయ్యాడు. అయితే అతడి గాయం తీవ్రత అధికంగా ఉందని సీజన్‌ నుంచి దూరం కానున్నాడని జట్టు సంబంధిత వర్గాలు తెలిపాయి.
మరోవైపు దిల్లీ జట్టు సీనియర్‌ స్పిన్నర్‌ అమిత్‌ మిశ్రా వేలి గాయంతో టోర్నీ నుంచి నుంచి దూరం కానున్నాడని దిల్లీ జట్టు ఉన్నతాధికారి ఒకరు జాతీయ మీడియాతో తెలిపారు. శనివారం కోల్‌కతాతో జరిగిన మ్యాచ్‌లో మిశ్రా వేలికి గాయమైన సంగతి తెలిసిందే. అతడు వేసిన తొలి ఓవర్‌లో నితీశ్‌ రాణా ఇచ్చిన రిటర్న్‌ క్యాచ్‌ను అందుకోవడానికి ప్రయత్నిస్తూ గాయపడ్డాడు. దీంతో గాయం కారణంగా తన స్పెల్‌ను పూర్తిచేయకుండానే ఆ మ్యాచ్‌ను ముగించాడు. అయితే అతడి స్కానింగ్ ఫలితాలు సానుకూలంగా లేవని, గాయం తీవ్రత అధికంగా ఉందని దిల్లీ జట్టు ఉన్నతాధికారి వెల్లడించారు.
