నా కల నెరవేరబోతుంది : ప్రభాస్ 

నాగ్ అశ్విన్ దర్శకత్వంలో యంగ్ రెబల్ స్టార్ ప్రభాస్ సినిమా రాబోతున్న సంగతి తెలిసిందే. ఇదో సైన్స్ ఫిక్షన్. భారీ బడ్జెట్ తో పాన్ ఇండియా సినిమా రాబోతుంది. వైజయంతి మూవీస్‌ బ్యానర్‌పై తెరకెక్కుతోన్న ఈ సినిమాలో ప్రభాస్‌కి జంటగా దీపికా పదుకొణె నటించనున్నారు. ప్రముఖ దర్శకుడు సింగీతం శ్రీనివాసరావు ఈ చిత్రానికి మెంటార్‌గా వ్యవహరించనున్నారు.

తాజాగా ఈ సినిమా నుంచి బిగ్ సప్రైజ్ వచ్చిన సంగతి తెలిసిందే. ఈ చిత్రంలో బిగ్ బీ అమితాబ్ కీలక పాత్రలో కనిపించబోతున్నారని చిత్రబృందం ప్రకటించింది. ఈ విషయాన్ని బిగ్ బీ కూడా ధృవీకరించారు. ‘ఇలాంటి ప్రతిష్ఠాత్మక ప్రాజెక్ట్‌లో నేను కూడా భాగం కావడాన్ని ఎంతో గౌరవంగా భావిస్తున్నా..!’ నని ట్విట్ చేశారు.

ఇక అమితాబ్‌ బచ్చన్‌ సర్‌తో స్ర్కీన్‌ పంచుకోవాలనే నా కల ఎట్టకేలకు నెరవేరుతోంది’ అంటూ ప్రభాస్‌ హర్షం వ్యక్తం చేశారు. అలాగే దర్శకుడు నాగ్‌ అశ్విన్‌.. ‘నమస్కారం బిగ్‌బి.. ఇది అతిథి పాత్ర లేదా స్పెషల్‌ అప్పియరెన్స్‌ కాదు. ఎంతో కీలకమైన పూర్తిస్థాయి పాత్ర. ఆయన పాత్ర పేరే అప్పట్లో మా మొదటి వర్కింగ్‌ టైటిల్‌. మా సినిమాలో నటించేందుకు అంగీకరించినందుకు ధన్యవాదాలు అమితాబ్‌ సర్‌. మీ సమయానికి తగ్గా గొప్ప ప్రతిఫలాన్ని మేము మీకు అందిస్తాం’ అని అన్నారు.