అభిమానం.. మెడలో కవితక్క బంగారు బొమ్మ !
ఎవరైనా మెడలో దేవుడి లాకెట్ వేసుకుంటారు. ఓ తెరాస అభిమాని, అందులోనూ మాజీ ఎంపీ కవితకు వీరాభిమాని ఏం చేశాడో తెలుసా ? ఏడు గ్రాముల బంగారంతో కవితక్క బొమ్మని చేయించుకున్నారు. దానిని లాకెట్ మాదిరిగా మెడలో వేసుకున్నాడు. నవీపేట మండలం బినోల సొసైటీ చైర్మన్‌ మగ్గారి హన్మాండ్లు కవితకు అభిమాని. ఆమె బొమ్మను ఏడు గ్రాముల బంగారంతో చేయించుకొని మెడలో లాకెట్ వేసుకున్నారు.
కవిత ఎమ్మెల్సీగా గెలుస్తుందన్న సంతోషంలో ఈ లాకెట్ చేయించుకున్నాన ని హన్మాండ్లు చెప్పారు.ఆయన గతంలో కవిత పేరును చేతిపై పచ్చబొట్టు సైతం వేయించుకున్నారు. నిజామాబాద్‌ ఎమ్మెల్సీ ఉప ఎన్నికల ఫలితాలు రేపు విడుదల కానున్న సంగతి తెలిసిందే.ఎమ్మెల్సీగా కవిత గెలుపు ఖాయమనే ధీమాతో తెరాస శ్రేణులున్నాయి.
