బాలయ్య ‘నర్తనశాల’ టికెట్ ధరెంతో తెలుసా?
నందమూరి బాలకృష్ణ డ్రీమ్ ప్రాజెక్ట్ ‘నర్తనశాల’. బాలయ్యనే దర్శకుడు. అది మొదలైంది. కానీ పూర్తి కాలేదు. ద్రౌపది గా సౌందర్య, భీముడిగా శ్రీహరి, ధర్మరాజుగా శరత్ బాబు నటించారు. అయితే ఈ సినిమా నుంచి 17 నిమిషాల నిడివి ఉన్న సన్నివేశాలను ప్రేక్షకులు, అభిమానులు వీక్షించడానికి వీలుగా ఈ విజయదశమి సందర్భంగా అక్టోబర్‌ 24న విడుదల చేయాలని నిర్ణయించారు. ఓటీటీ ద్వారా విడుద‌ల‌వుతున్న ‘నర్తనశాల’ సినిమాను చూడాలంటే రూ.50 పెట్టి టికెట్ కొనాల్సిందే.
ఈ సినిమాతో వచ్చిన ఆదాయాన్ని సేవా కార్యక్ర‌మాల‌కు ఉప‌యోగించాల‌ని బాలకృష్ణ భావించారు. ఈ నేపథ్యంలోనే టికెట్ ధరని రూ. 50గా నిర్ణయించారు. బాలయ్య అభిమానులైతే ఎంతైనా పెట్టి టికెట్ కొన‌వ‌చ్చున‌ని అన్నారు. దీంతో కొంత మంది అభిమానులు ప‌ది ల‌క్ష‌ల రూపాయ‌లు పెట్టి టిక్ కొనాల‌ని నిర్ణ‌యించుకున్న‌ట్లు తెలుస్తోంది. వారి వివ‌రాల‌ను త్వ‌ర‌లోనే బాలకృష్ణ ప్ర‌క‌టించ‌బోతున్న‌ట్లు స‌మాచారం.
