తెలంగాణలో 1,456 కొత్త కేసులు

తెలంగాణలో కరోనా కేసులు తగ్గడం లేదు. కానీ రికవరీ అవుతున్న వారి సంఖ్య మాత్రం పెరుగుతోంది. గడిచిన 24 గంటల్లో తెలంగాణలో 1,456 పాజిటివ్‌ కేసులు నమోదయ్యాయి. అదే సమయంలో నిన్న 1,717 మంది కరోనా నుంచి పూర్తిగా కోలుకొని డిశ్చార్జ్ అయ్యారు. ఇప్పటి వరకు కరోనా నుంచి కోలుకున్న వారి సంఖ్య 2,06,105కి చేరింది.

రాష్ట్రంలో ఇప్పటివరకు రాష్ట్రంలో 2,27,580 కేసులు నమోదయ్యాయి. నిన్న ఒక్కరోజే 5గురు కరోనాతో మృతి చెందారు. దీంతో మొత్తం కరోనా మృతుల సంఖ్య 1292కి చేరింది. ప్రస్తుతం రాష్ట్రంలో 20,183 యాక్టివ్‌ కేసులు ఉన్నాయి.  ప్రస్తుతం 16,977 మంది హోం ఐసోలేషన్‌లో ఉండి చికిత్స పొందుతున్నారు. రాష్ట్రంలో కరోనా మరణాల రేటు 0.56 శాతంగా ఉంది. దేశవ్యాప్తంగా మరణాల రేటు 1.5 శాతంగా ఉంది. రాష్ట్రంలో రికవరీ రేటు 90.38 శాతం ఉంది. దేశవ్యాప్తంగా రికవరీ రేటు 89.2 శాతం ఉంది.