పెళ్లి కూతురు డ్రెస్ కాజల్.. ఎలా ఉందో చూడండి !
మరికొద్దిసేపట్లో చందమామ కాజల్ మెడలో మూడు ముళ్లు పడనున్నాయ్. తన చిన్ననాటి స్నేహితుడు గౌతమ్‌ కిచ్లును కాజల్ పెళ్లాడనుంది. పెళ్లికి సర్వం సిద్ధం అయ్యాయ్. అతిధులు వచ్చేశారు. కాజల్ కూడా ముస్తాబయింది. అయితే పెళ్లి కూతురు డ్రెస్ లో కాజల్ పిక్ ఒకటి అప్పుడే బయటికొచ్చింది. ఇప్పుడీ పిక్ సోషల్ మీడియాలో వైరల్ అవుతోంది. పెళ్లి డ్రెస్ లో అచ్చ రాణిలా కనిపిస్తోంది చందమామ.
కల్యాణ్ రామ్ ‘లక్ష్మీ కల్యాణం’ (2007) తో తెలుగు తెరకు పరిచయం అయింది కాజల్. స్టార్ హీరోయిన్ గా ఎదిగింది. టాలీవుడ్, కోలీవుడ్ స్టార్ హీరోలతో జకట్టింది. బాలీవుడ్ లోనూ పలు సినిమాల్లో నటించింది. ఇప్పటికీ వరుస ఆఫర్లతో బిజీ హీరోయిన్ గా గడుపుతోంది. ప్రస్తుతం కాజల్ భారతీయుడు 2, ఆచార్య, మోసగాళ్లు సినిమాల్లో నటిస్తోంది. కరోనా కారణంగా ఆగిపోయిన ఈ సినిమాలని పెళ్లి తర్వాత పూర్తి చేయనుంది.
